កំពង់ស្ពឺ : នៅថ្ងៃអង្គារ ទី០១ ខែមិថុនា ឆ្នាំ២០២១ រដ្ឋបាលខេត្តកំពង់ស្ពឺបានប្រកាសបញ្ចប់ការបិទខ្ទប់ ភូមិត្រាច ឃុំកាហែង ស្រុកសំរោងទង ខេត្តកំពង់ស្ពឺ ដែលបានសម្រេច បិទខ្ទប់ដោយសេចក្តីសម្រេចលេខ ០៨១/២១ សសរ ចុះថ្ងៃទី១៨ ខែឧសភា ឆ្នាំ២០២១ របស់រដ្ឋបាលខេត្ត។
រដ្ឋបាលខេត្តកំពង់ស្ពឺ បានបន្តថាក្រោយពេលបើកឡើងវិញប្រជាពលរដ្ឋនៅក្នុងភូមិត្រាច ឃុំកាហែង ស្រុកសំរោងទង ខេត្តកំពង់ស្ពឺត្រូវបង្កើនការប្រុងប្រយ័ត្នឲ្យបានខ្ពស់ ដោយត្រូវចូលរួមអនុវត្តនូវវិធានការការពារ "៣ការពារ និង៣កុំ" និងត្រូវអនុវត្តឲ្យបានម៉ឺងម៉ាត់នូវវិធានការអនាម័យតាមការណែនាំរបស់ក្រសួងសុខាភិបាល ដើម្បីការពារ និងទប់ស្កាត់ការីករាលដាលនៃជំងឺកូវីដ-១៩ ដែលកំពុងឆ្លងរីករាលដាល៕
